صدقنى الحاجات الكبيره مش هى اللى بتصنع السعاده
اللى بيصنع السعاده هى الحاجات الصغيره ... الصغيره اوى واللى بتوه مننا وسط زحمة الحياه
ارجع بخيالك لزمان حتلاقى كان بسعدك اوى انك تكون مندمج وبتقرا قصة رجل المستحيل او انك مثلا تسمع فيلم لاسماعيل يس او حتى انك تلعب استغمايه مع ولاد الشارع
...
اما كبرت فى العمر بدات تتحط قدامك حواجز وبدأت انت تحط قدام نفسك حدود ... مره بصيغة انك كبرت على الكلام ده ومره تانيه بصيغة دلوقتى غير زمان ومره تالته بصيغة يار...يت الزمان يرجع تانى ومره ورا التانيه بدات تدخل اكتر واكتر فى الدوامه ونسيت طعم السعاده :)
اقلك حاجه
ما تحاول تانى ترجع الحاجات الصغيره دى
جرب تانى تقرا قصص زى زمان
جرب تانى تقعد تشوف فيلم شفته الف مره بس اضحك تانى من قلبك زى زمان
جرب تانى تنزل تلعب كوره فى الشارع مع ولاد منطقتك
شوف زمان كنت بتبقى سعيد اوى وفرحان اوى وانت بتعمل ايه واعمله تانى
وصدقنى حياتك حتفرق كتييييير كتيييييييييييييييييييير اوى اوى :)
عيش حياتك ... عشها صح :)
0 التعليقات:
إرسال تعليق