ممكن اقولك حاجة ؟؟؟

انت ..ايوة حضرتك ممكن اقولك حاجه ..؟

انت ليه مضايق اوووى كده وحزين ..وليه دموع عينك على خدك واقفة .. ليه الهم هايقتلك ونهارك بقى زى ليلك وحياتك سيطر عليها اليأس..!!

ايه المشكلة ان ظروفك صعبة ..والدنيا معانده معاك شوية ..ايه اللى حصل لما تلاقى اكتر حد حبيته ووثقت فيه كان مش من نصيبك ..مضايق اووى كده ليه ان ربنا ابتلاك بمرض او حد من اهلك ..

خايف صح ..؟ الشيطان متحكم فى تفكيرك وحياتك ..بيعرف يضحك عليك ويخليك كل ما تاخد قرار تعيشها صح وتكون انسان ملتزم وقريب من ربنا .. مع اول ذنب تعمله ..يسود الدنيا فى وجهك ..ويحسسك انك مش هاتقدر وان انت مختوم على قلبك مش تحاول ..

طيب ماتجرب تدعى ربنا اوووى .. اه والله زى ما بقولك ..تعالى كده فى الوقت اللى ربنا عز وجل بيتنزل فيه الى السماء الدنيا نزولا يليق بجلاله ..فى الثلث الاخير من الليل .. ويقول هل من تائب فاأتوب عليه ..هل من مستغفر فاغفر له ..هل من سائل فأعطى له مسئلته ..

تعالى بالليل وكل اللى حواليلك نايمين .. اقفل عليك بابك ..اطفى النور كمان .. افرش سجاتك على الارض ..اقف وصلى وانت قلبك كله لله ..وعيط جامد اوووى .. ايوة عيط وقول يارب .. قولها بكل حته فى كيانك ..واتكلم مع ربنا وقوله ايه اللى فيك .. واحكيله انك بتحبه اوووى ..

بتدعيه والاستجابه بتتأخر صح .. بتقعد تقول يارب تعبت بقى ..وزهقت من الحياة اللى انا عايشها .. ومافيش حاجه بتتغير .. وتحس بيأس وعجز واحباط ..

غلطااااااااااااااااااااان .. ده يابختك ان استجابة الدعاء بتتأخر ..ربنا بيحبك .بيحب يسمع صوتك ..وبيأخر عنك الاستجابه لانه عاوزك تتذلل ليه وتقوله يااااااااااااااااارب ..

شوفت عظمة ربنا ورحمته ونعمة القرب منه .. علشان كده لو دعيت ربنا واتأخر عنك الاسنجابه شوية :
فاعلم ان الله تبارك وتعالى يقول لجبريل ..
ياجبريل
فيقول لبيك يارب
فيقول الله عز وجل . هل عبدى يدعونى ؟
فيقول له نعم يارب
فيقول الله تعالى : وهل يليح فى الدعاء
فيقول: نعم يارب
فيقول الله عز وجل فأخر له مسألته يا جبريل
فيقول سيدنا جبريل ..ولما يارب
فيقول الله تعالى ( إنى احب ان اسمع كلمة يارب من عبدى )

قــرب من ربنــا وادعيه من قلـبك واحسن الظن بربــك مهما اتأخر استجــابة دعائك .. واتاكد انه هايحقق ليك كل أحلامك

Posted in: ظبط نفسك